युके पठाइदिन्छु भन्दै १३ लाख ठगी गर्ने दुई जना पक्राउ

काठमाडौं – बेरोजगार युवायुवतीहरूलाई आकर्षक तलबको प्रलोभनमा पारी रोजगारीका लागि युके पठाइदिन्छु भन्दै ठगी गर्ने दुई जनालाई प्रहरीले पक्राउ गरेको छ। पक्राउ पर्नेमा प्युठानका इन्द्र बहादुर केसी र धादिङका आईते तामाङ रहेका छन्। 
 
उनीहरूले युके पठाइदिन्छु भन्दै ७ जना १३ लाख ठगी गरेको प्रहरीले बताएको छ। उनीहरुलाई काठमाडौंको गोंगबुबाट पक्राउ गरी थप अनुसन्धान तथा आवश्यक कारबाहीको लागि जिल्ला प्रहरी परिसर, भद्रकाली पठाइएको प्रहरीले जनाएको छ।